أخبار عاجلة

الحب ما بيخلص بقلم الأستاذة راغدة حشيشو

الحُب ما بيُخلَص …
الحُب ما بيُخلَص و يلي بيقول انو الحب بيُخلَص فَكَر حالو حَب بس هوي بَعد ما حَب
الحُب بيكَمِل بقَلب المَشكَل لي عم بيصير
الحُب بيزَهِر بالرُغم من القِلِة و الفُقر و التعتير و ما بيُِخلَص
الحُب بيكَفي رُغم العَيطة و الصَرخَة و المخَدِة لي غِرقِت بالدموع و ما بيُخلَص
الحُب بيتحدى و بيصمُد رغم المَرَض و ظروف الحياة لي بتِنعِكِس و ما بيُخلَص
الحُب بيواجِه الخَطيِة و الخيانة و بيخلي الحجار تِنكَب بالأرض و ما بيُخلَص
الحُب بيسَكِت حَكي العالم و بيقطُش اللسانات الملَوَثِة و ما بيُخلَص
الحُب بيخَليك تِبكي و لو نَكَرت لي بتحِبو تلات مرات و بيضَل يأمِن فيك و ما بيُخلَص
الحُب مش محصور بالجمال الخارجي و لا بالذَكا و لا بالوظيفِة و لا باللون و لا بالدين و لا بإبن مين و لا بِبِنت مين ، الحُب بيَعرِف انت مين و ساعتا ما بيُخلَص
الحُب هوي الوردة لي بتِقبلها مع شوكتها ، هوي السَما لي بتِقبَل تُطَلَع فيا رُغم غيوما ، الحُب هوي الشَعر الشايب و الايد المجَعَدِة و العيون لي بِتضَل تلمَع قد ما تِكبَر بالعُمُر و ما بيُخلَص
الحُب هو البداية و النهاية و الألف و الياء هوي هوي مبارح و اليوم و بُكرا و ما بيُخلَص .
الحب بيخلص بس لما تموت الثقة آمين

عن kalamhorr

شاهد أيضاً

ما بين الأمل واليأس \ مختارات مهى الهيبة

جلست الزوجة على مكتب زوجها وأمسكت بقلمه، وكتبت: في السنة الماضية، أجريت لزوجي عملية إزالة …

اترك تعليقاً

WP2Social Auto Publish Powered By : XYZScripts.com
Open chat