أخبار عاجلة
الرئيسية » اداب » بقلب الحنونة وقفت الدقات و وقفت معو دورة سعادتنا/ الأستاذ حيدر حسن قعفراني

بقلب الحنونة وقفت الدقات و وقفت معو دورة سعادتنا/ الأستاذ حيدر حسن قعفراني

لا تعتبي علينا يا ضيعتنا لو بيتنا تسكّر بحارتنا

كنّا نجي كل يوم عصريّات نلاقي الأحبّة عا سطيحتنا

ويكون بيي مقشر الصّبيرات ومحوّش من الصّبح تينتنا

وإختي سعاد مقطفي العنبات عناقيد شقرا من عريشتنا

وكلما التقينا تعمر السّهرات عطف الأهل أسباب جمعتنا

ولمّا الهي اختار بيي ومات رجعنا لحضن إمّي اللي ربّتنا

وكلما علينا تقلت الحملات تدعيلنا تقوّي عزِميتنا

تسعين عام العمر مر وفات شح النظر ما عاد عرفتنا

وصارت خفيفة تطلع الكلمات ما عاد عم نفهم شو وصتنا

بقلب الحنونة وقفت الدقات و وقفت معو دورة سعادتنا

عنّك يا إمي بيسألو الجارات مين منكلّف ب خيرتنا

وسجّادتك شاهد على الركعات لبتضل ممدودي عا قبلتنا

وبالمسبحة عم يسألو الحبّات اشتقنا للمسة دين حجّتنا

يا رب عندك أوسع الجنّات ارحمها احشرها مع أئمتنا

حيدر حسن قعفراني

 

 

عن kalamhorr

يلفت موقع قلم حر ان المقالات التي ترده ويتم نشرها ليس بالضرورة انها تعبر عن سياسة الموقع الملتزم بالقضايا الوطنية والقومية والإسلامية انما تعبر عن اصحابها الذين يبقون مسؤولين عن كل ما يتعلق بها من الناحية القانونية. كما يهيب بالسادة القراء ان يحتفظوا بالمثل الأخلاقية العليا في تعليقاتهم وعدم التعرض للكرامات الشخصية من الفاظ او تعابير او اشارات نابية مع الاحتفاظ بحق الموقع بمقاضاة كل من لا يلتزم بما ذكر أعلاه

شاهد أيضاً

صقيع الروح \ الشاعر ابراهيم خليل عز الدين

…. صَقيعُ الرُّوحِ …. لَيْتَ الفُصُولُ التي تَغْفُو بأَزْمِنَتي تَبْقَى تَسيلُ ولا تَنْأَى بأَوْرِدَتي قُمْ …

اترك تعليقاً

WP2FB Auto Publish Powered By : XYZScripts.com