أخبار عاجلة
الرئيسية » قلم حر » حكاية وجع يا دولة ويا احزاب خافوا الله. بقلم الهام خليل

حكاية وجع يا دولة ويا احزاب خافوا الله. بقلم الهام خليل

عندي حكي كتيير حابي اكتبو، بس ممكن كتار ما يعجبهم كلامي…

موجه الكلام للدولة، وللأحزاب… طلبتو من العالم تقعد بالبيت ماشي قعدنا، وصرنا اكتر من جمعتين قاعدين، وانتو ما عم تسألو عن العالم يلي اذا اشتغلت بتاكول وان ما اشتغلت ما بتاكول… وبعدين شو ناطرين لتموت العالم من الجوع اذا ما ماتت من المرض؟

هذا الحكي والدعيات وفلان تبرع وفلان تبرع ما حدن شاف شي… أو يلي شاف شي اقلية ومحسوبين على حزب معين، يعني انت مع فلان بيعطوك اذا مش مع فلان موت عمرك ما ترجع، وإذا حدن معو قرشين عم يصرف منن على البياعين يلي بلا ضمير، اللي عم يمصو دم الفقير ويتاجرو فيه…

خافو الله بالعالم الفقيرة يلي منها محسوبة على حدن حتى الدولة مش عم تسأل.. كلو حكي تلفزيونات وبس… خافوا الله (يوم لا ينفع مال ولا بنون) خافوا الله حسبي الله ونعم والوكيل…

والله في ناس بعرفهم عم يقلبو بطاطا مع بصل بماي ما معون يجيبو زيت، وفي كتير قصص شو بدي احكي لاحكي ما بيخلص الحكي… عن جد وضع العالم ما عاد يحمل قهر اكتر من هيك… وين الدولة؟.. وين الأحزاب؟؟… ولك حتى بالتعقيم صار في محسوبيات انا شفت بعيني… جارنا محسوب على حدن مش رح اذكر مين، اجو عقمولو البناية والبيوت وبس، عن جد خافوا الله… ان شاءالله ما تطول هالأزمي والله يفرجها… بس بعد كورونا مش متل قبل كورونا… خافو الله!!!

بقلم الهام حسين خليل 

عن kalamhorr

يلفت موقع قلم حر ان المقالات التي ترده ويتم نشرها ليس بالضرورة انها تعبر عن سياسة الموقع الملتزم بالقضايا الوطنية والقومية والإسلامية انما تعبر عن اصحابها الذين يبقون مسؤولين عن كل ما يتعلق بها من الناحية القانونية. كما يهيب بالسادة القراء ان يحتفظوا بالمثل الأخلاقية العليا في تعليقاتهم وعدم التعرض للكرامات الشخصية من الفاظ او تعابير او اشارات نابية مع الاحتفاظ بحق الموقع بمقاضاة كل من لا يلتزم بما ذكر أعلاه

شاهد أيضاً

معلومات تتحدث عن اصابة رجل من باريش مقيم في بيروت بفايروس كورونا

معلومات عن  اصابة بفيروس كورونا لأحد ابناء بلدة باريش  والمقيم في مدينة بيروت (الحاج سمير …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

WP2FB Auto Publish Powered By : XYZScripts.com